Lehkhabu bawm : Zawlnei Isaia Lehkhabu a Pathian Thurûk Inthup

Inrinni March 15 khan Rev Dr. Zaichhawna Hlawndo lehkhabu ziah "Zawlnei Isaia Lehkhabu a Pathian Thurûk Inthup" tih chu tlangzarh a ni. Lehkhabu hi Lily Veng, Presbyterian Kohhran Hall ah tlangzarh a niin, tlangzarh inkhawm hi Rev. H. Lalzuilianan a kaihruai a, Upa Dr. Lalzaman hunserh hmangin, Rev. Zosangliana Colney in lehkhabu thlirlawkna hun a hmang. 

He lehkhabu hi Bible hrilhfiahna dang ang lo takin Isaia bu tun huna Zofa ringtuten kan chhawr ṭangkai theih tura ziah a ni. Lehkhabu tlangzarhtu Rev. Dr. K. Lalrinthanga chuan sapho ten an mahni tan leh an hnamze mila hrilhfiahna bu an siam nilo, Bible hi Zofate ta a nihna hmanga Bible sawifiahna bu a nih thute a sawi. Lehkhabu ziaktu Pu Zaichhawna Hlawndo pawhin thu sawiin 'He lehkhabu hi ama thiamna leh finna hmanga ziah a nih loh thu te, Pathian Thlarau Thianghlim kaihhruaina a a ziah a nih thu a sawi. The Hlawndo Sisters in Pathian fak hla sa in an zai bawk, Lehkhabu hi cheng ₹400 man a ni.