Box Office-ah 'Novocaine' che ṭha ber

North American Box Office chart tharah March 14-a tih chhuah Novocaine-in sum lalut tam berin pakhatna a ni. USD mtd 18 senga siam Novocaine hi, Dan Berk leh Robert Olsen-te direct niin, screenwriter hi Lars Jacobson a ni bawk. Movie hi action comedy lam niin Jack Quaid chuan Nathan Caine lem a rawn chang a ni.

Novocaine hi assistant bank manager hna thawk, a pian phungah thil tih theihna danglam tak nei, na hre theilo chanchin niin action leh comedy inkawp a ni. He film hi Paramount kut chhuak niin ticket leina aṭanga rating an pekah "B" grade a hmu pha bawk, tih chhuah a nih kar, kar hmasa khan theater 3,365-ah pek chhuah niin USD mtd 8.7 a lalut a ni.

Pahnihnaah hian chart hmasa lama pakhatna hauhtu, Twilight aṭanga kan hriat lar Robert Pattinson channa 'Mickey 17' chu awmin kar hmasa chhung khan USD mtd 7.5 a lakluh belh a ni. Steven Soderbrgh direct 'Black Bag' chu USD mtd 7.5 hmu chhuakin pathumna a rawn hauh thei bawk. Palinaah hian Disney leh Marvel kutchhuak pakhatna pawh lo hauh tawh 'Captain America: Brave New World' chu USD mtd 5.48 hmuin a rawn lang leh a, panganaah hian The Day the Earth Blew Up: A Looney Tunes Movie chu USD mtd 3.1 hmuin top 5 a rawn khar a ni.

Box Office chart tharah hian The Last Supper, Paddington in Peru, Dog Man, The Monkey leh Last Breath-te an rawn lang leh bawk a ni.