Comedy-Drama-ah Aaron Kwok chang dawn

Hong Kong actor leh singer Aaron Kwok chu comedy drama IOU-ah a chang dawn a, he drama hi Steven Zhang Zhonghua-a direct niin, Kwok hi Hong Kong producer Julia Chu nen an thawkdun leh dawn a, Port of Call (2015) leh Where the Wind Blows (2022)-ah te an lo thawk dun tawh a ni. 

He drama hi tunhnaia China rama sum thawhkhawmna atana thil dik lo thlengte thlirletna aṭanga siam niin, mahni hmasialna lam a pholan tur thu producer-te chuan an sawi. Kum 2020-a sawiho hmasak ber a nih ṭumin, he project hi 33rd Golden Rooster Film Project Market-ah Top-30 finalist atan thlan a ni a, Hong Kong International Film Festival vawi 20-naah industry program-ah a tel bawk. March thla tir lam khan film hi chan ṭan niin, budget chu USD mtd 3 vel a ni.