Lytham Festival 2025-ah Stevie Wonder

American-Ghanaian singer/songwriter leh musician Stevie Wonder chu Lancashire-a Lytham Festival-ah a zai dawn. July 3-ah US rock band Kings of Leon in event an hawn hnuah a zai dawn a ni. Lytham Festival co-founder Peter Taylor chuan Stevie chu global icon a nih bakah, superstar a ni a, Lytham-a a rawn tel thei tur hi kan lawm hle a ni tiin a sawi.

Stevie Wonder hi kumin nipui chhungin UK hmun hrang hrang-ah a zai dawn a, hei hi a Love, Light & Song Tour hmachhawp niin, Manchester Co-Op Live, Birmingham Utilita Arena, Cardiff-a Blackweir Fields leh London-a Hyde Park-ah te a zai dawn a ni. July 2-6 chhunga Lytham Green-a neih turah Justin Timberlake, Alanis Morissette, Simple Minds leh Texas te pawh an zai dawn bawk. Tun hmaa headliner zingah Shania Twain, Lionel Ritchie, Kylie Minogue leh Diana Ross te an tel a, Sting leh Lewis Capaldi te pawh an tel.