Incheina hun leh hmun hre lo Lewis Hamilton Wimbledon final a en theih loh phah

Tennis hi gentlemen game an tih ṭhin a ni a, en tur hian mahni nalh leh hak nuam tih ang inbel ngawt theih a ni lo. British mi, Formula 1 driver pawh hian incheina hun leh hmun hria se chuan Wimbledon final kha a en thei ve ngei tur a nia, mahse a en an phal ta lo.

Novak Djokovic leh Roger Federer tena final an khelh kha Lewis Hamilton pawh hian en ve ngei tumin a thawk chhuak hma hle a, a hmun, Wimbledon Centre Court Royal Box a va thleng a, a thawmhnaw inbel avangina chhunga a luh an phal ve ta lo. Hamilton hian kawr par rek ruk leh lukhum holam tak mai a inbel a, hetiang nen hi chuan inkhelhna hmun a luh an phal lo a ni.

Wimbledon final en tur hian jacket hak a ngai a, tie suih a ngai a, pheikhawk bun ngei a ngai bawk. Formal dress kan tih ang hian an en tlangpui. Beckham-an inchei a thiam nen, suit nalh tak nen a inthuam zaih a ni. Beckham bakah Benedict Cumberbatch, Kate Winslet, Bradley Cooper leh Hugh Grant te pawh an rawn nalh hle a nih kha.