Katy Perry thlarau nun a buai

A nu leh pa pastor ve ve an ni a, mahse Katy Perry hi kan hriat angin a tlanchhe ngar ngar. Kristianna a hnawl a, mahse a chhungril nun erawh chu a buai viau. Kalsan a tum hi a kalsan hlei thei lo chu a ni. Kumina Super Bowl-a a zai dawn hma lawk khan Twitter-ah Sam 118 thu a tarlang. Marie Claire chanchinbuin an kawmnaah a nunin Pathian a zawng tih sawi chhuak lo mah se, a hriat. "Buddhist ka ni lo a, Hindu ka ni lo a, Kristian pawh ka ni lo. Mahse ka thinlungah hian Pathian nena inzawmna a la awmin ka hria. Mahni ka inthunun theih nan te, ka zaidam theih a, inngaihtlawm a, ka hlima ka lawm theih nan te ka la ṭawngṭai reng a ni," a ti. Pathian hlat emaw, Amah theihnghilh erawh chu a rukin a hlau tih a lang a, a chhungril a buai a, Pathian a zawng a ni.