Gospel Concert buatsaih a ni dawn

Zanin dar 7:30 aṭang hian Vanapa Hall-ah ṬKP Shalom Unit, Mission Vengthlang chuan Aizawl ṬKP Meet urlawkna atan Gospel Concert a buatsaih dawn.

Aizawl Ṭhalai Kristian Pawl chuan August 23 khian Meet an hmang dawn a, hemi urlawk nan hian zanin hian ṬKP Shalom Unit te buatsaihin Healthy Lifestyle Gospel Concert an buatsaih dawn a ni. Concert-a zai tur hi an ṭha hlawm dawn ṭhehṭhawh hle a, tunlaia Mizorama gospel singer kan neih ṭhat ber berte an inlan ang. Ticket hi a hmuna zawrh tur a ni dawn a, Rs. 1000, Rs. 100 leh Rs. 50 man tea siam a ni.

Concert-ah hian TBC Zaia, Henry Varte, Andrew, Hmingtea, Sawmtea, Pensy, Mawiteii, Duhsaki, Hlimhlimi, Temi Sailo, Drop Doubt band, The Leprosy Choir, Mizo Cardinal Choir, Zoramchhani, Lal­hlumawii leh Zorema te an zai ang.

Aizawl Area ṬKP Meet hi Mission Vengthlang BCM Shalom-in a thleng dawn a, hemi atana sum tuak nan te, Meet intihphur lawkna atante'n he concert hi buatsaih a ni. Chu bakah chuan midangin hlimna leh thlamuanna te, tisa leh thlaraua damna an chan ngei theihna tur atan "Healthy Livestyle Gospel Concert (pre-meet event) hi buahsaih a ni.