Lollapalooza 2025 ah Sabrina Carpenter, Olivia Rodrigo leh Tyler, the Creator

July 31 aṭanga August 3 thleng Chicago Grant Park-a neih tur, Lollapalooza 2025-ah Olivia Rodrigo, Tyler, the Creator leh Sabrina Carpenter te chu zai tur langsar zual an ni.

Lollapalooza hi kumtina neih ṭhin ni li chhung awh American music festival niin, kum 1991 aṭanga neih ṭan a ni a, kum tam tak hnuah Chicago chu festival neihna hmun nghet a lo ni ta a ni. Kumin festival-ah hian Rufus Du Sol, Luke Combs, Twice, A$AP Rocky leh Korn te pawh an inlan dawn a, artist 170 chuang an tel dawn bawk a ni. Kumin festival-ah hian Carpenter hi Lolla-a a inlan hmasak ber aṭanga kum hnih liam hnuah rawn kir lehin, Rodrigo chu fest-ah a vawi khat nan a inlan dawn a, Twice chu K-pop girl group zinga he fest a inlan hmasa ber tur niin, Korn erawh kum 1997 hnua a vawi khat nan fest-ah an rawn kir leh. Tyler, the Creator chu kum kalta pawh khan a lo inlan tawh a ni.