MSSU leh Synfo buatsaih NPSS Mal zai intihsiak neih a ni

MSSU leh Synfo ṭangkawpin an buatsaih, Naupang Sunday School(NPSS) Mal zai intihsiak (Junior Department aṭanga Senior Department) Elimination Round chu March 13-15, 2025 chhung khan neih a ni. Elimination round hi Kohhran 20-ah neih niin, mi 764-in intihsiaka tel turin hming an thehlut a, chung zing aṭang chuan mi 68-in Elimination Round hi an paltlang a ni.

Vawiin March 20 leh naktuk March 21, 2025-chhung hian, Tuikual Presbyterian Kohhran Hall-ah Second Round neih leh tura tih a niin, heta ṭang hian Top 10 thlan tur a ni ang. March 28, 2025 (Zirtawpni) chawhma Dar 10:00-ah lawmman semna leh a kharna hun hman a ni ang.

Intihsiakna Judge tur hian Tv. H. Lathazuala, Tv. Lalthlanawma, Nl. Cindy Lalthanpui te chu ruat an ni. Intihsiaknaah hian lawmman pakhatnain 70,000/-, pahnihnain 50,000/- leh pathumnain 30,000/- an dawng ang a, Top 10 a tlingten 5,000/- ṭheuh an dawng bawk ang.