BIFF in Director thar atan Jung Hanseok ruat

Busan International Film Festival (BIFF) chuan programmer Jung Hanseok chu festival director thar atan an ruat tih Ningani khan an puang.

Kum 2019 aṭang khan festival-a Korean cinema programmer hna thawk tawh Jung hi board meeting March 20-a Busan Cinema Center leh a hnu lama general meeting neihah official-in ruat a ni a, March 21 aṭangin kum li chhung atan a term a inṭan dawn a ni. Kumin September 17-26 chhunga neih tura ruahman, landmark edition vawi 30-na chu a enkawl dawn bawk.

Festival executive recommendation committee-in January leh March 2025 khan open recruitment round hnih an neih hnuah, Jung hi an ruat ta a ni. An thlan thu an puan hian committee chuan Jung chu festival chhung leh pawn lam boruak hre chiang tak, candidate thiamna nei ṭha tak a ni, tiin an fak hle.