2029-ah 'Coco 2' peihfel hman tum

American animated fantasy comedy-drama film, Coco sequel chu Pixar Animation Studios-ah siam mek a nih thu Disney CEO Bob Iger chuan Ningani khan a sawi a, kum 2029-ah theatre-a tih chhuah tura ruahman a ni.

Disney Annual Shareholder Meeting-ah Iger chuan, Coco 2 chu siam chhunzawm mek a nih thu a sawi. Sequel-ah hian original film aṭanga creative team member-te an tel leh dawn a, director Lee Unkrichn leh co-director Adrian Molina bakah Mark Nielsen, Toy Story 4 leh Inside Out 2 producer chuan a siam dawn a ni. Coco hi kum 2017 khan tih chhuah a ni a, naupang kum 12 mi, musician nih tum, tih palh thil thua mitthi khuaa hruai luh chungchang niin chumi hmunah chuan a pu, musician thi tawh a hmu a, a chhungten music play phalsak tura an rilru hneh sak turin puihna a dil a ni. Coco hian animated feature ṭha ber leh original hla ṭha ber, Robert Lopez leh Kristen Anderson-Lopez te ziah, “Remember Me” ah Academy Award vawi hnih a dawng a, motion picture-animated ah Golden Globe a dawng bawk. BAFTA-ah best animated film award leh,critics choice award pawh a dawng bawk.