Jack Harlow leh Doja Cat-in single thar ti chhuak

Jack Harlow leh Doja Cat thawk dun chuan Ningani zan khan single thar 'Just Us' an ti chhuak. Single tih chhuah rual hian a music video pawh tih chhuah ve nghal niin, Harlow leh Doja Cat te in lem vel lai chu hmuh theih a nih bakah, Harlow-a rap lai te a lang bawk.

Music video-ah hian mi lar dang - John Mayer, Matt Damon leh Nicholas Braun-te an in lan bawk a ni. Harlow hian thla hmasa khan kumin atana a single hmasa ber,"Set You Free" ti chhuakin, Doja Cat pawh hian thla hmasa vek khan Blackpink Lisa leh Raye-te nen an thawh hona "Born Again" an lo ti chhuak tawh a ni.