NJZ(New Jeans)-in rimawi chawlhsan rih dawn

South Korean girl group New Jeans, NJZ tia hming thlak ta chuan, anmahni label ADOR nen court-a an inkhinnaah hnehna chang zo loin court hian an hming thar anga in lan leh programme neih a khapsak zui a ni. Hei vang hian rimawi lam an chawlhsan rih dawn.

NJZ(New Jeans) hian nikum khan an label, ADOR aṭanga an chhuah thu an puang a,hemi hnu kumin February khan an hming thar NJZ tih an hman tur thu a puang a ni.

ADOR chuan khing zui nghalin, court-a an ngenna chu thuneitu lam hian pawm sakin court thurelna thar a awm hma chu an band hming thar hian engmah huaihawt zui phalsak a ni ta lo a ni.

NJZ(New Jeans) hian court rorelna chu khin let an tum thu ComplexCon-a an hla thar "Pit Shop" an perform zawhah fan-te hnenah thuchhuah an siamah an tarlang. An buaina neih mek hi April 3 hian trial an nei leh dawn a ni.