'No Other Land' co-director Hamdal Ballal chin hriat lohin awm

Oscar award pawh lo dawng tawh, Palestinian filmmaker Hamdal Ballal chu tun hnaia Israel-in Gaza a beih lehna vuakvetah chin hriat lohin a awm mek. Hamdal Ballal hian co-director a nihna, Israel-Palestine documentary film an siam hmangin best documentary award a lo dawng tawh a ni.

Hamdal chin hriat loha a awm thu hi 'No Other Land' documentary-a a thawhpui Abraham chuan Thawhṭanni khan X-ah tarlangin," Gaza hmunah hmai tuamin a hruai bo a ni" a ti.

Mita hmutute sawi danin Hamdal hi kut thlak niin a pum leh luah te hliam a nei. Heng thil thlen hnu hian a chanchin hriatzui tur a awm lo niin Abraham chuan a sawi. Hamdal Ballal hi a chenna hmun Susya thingtlanga a awm laia beih tawk a nih thu tarlan a ni bawk.

An documentary siamah hian Palestinian chhungkua, West Bank-a chengten Israel-in a beih hnua harsatna an tawh dan vel tarlan niin, Oscar an dawn aṭanga kar thum hnu velah Ballal hian buaina a tawk zui ta a ni.