Miley Cyrus album thar chhuah hun tur hriat ta

American singer, songwriter leh actress ni bawk Miley Cyrus chuan hun rei tak chhung rimawi thar a tih chhuah loh hnuah, a album pakuana tur "Something Beautiful" chu May 30-ah tih chhuah a nih tur thu a puang.

Cyrus hian kar hmasa vel aṭang tawh khan a social media account hrang hrangah album tih chhuah thar tur hi a lo thailang zeuh zeuh tawh a ni. Album tharah hian track 13 a awm dawn a ni.

Cyrus hi a album tharah hian executive producer niin Shawn Everett nen an thawk dun bawk. Album cover tur pawh tarlang nghalin 1997-a Thierry Mugler couture anga duan a ni. Album a tih chhuah hnuhnung ber chu March 2023 daih tawh ami "Endless Summer Vacation" kha niin, Album of the Year leh best pop vocal album nomination a hmuhpui a ni.