Avengers: Doomsday changtu tur puang

Avengers: Endgame chhuah aṭanga kum ruk zet a liam hnuah, Marvel chuan Avenger film franchies thar 'Doomsday' a chang tur hrang hrang an rawn tarlang ṭan ta. Doomsday chang tur puan rual hian 'Fantastic Four: First Steps' chang tur bakah Marvel Cinematic Universe(MCU) huanga in lan tur hrang hrang an tarlang nghal bawk.

Film thar chhuak turah hian Chris Hemsworth, Tom Hiddleston, Anthony Mackie, Paul Rudd, Letitia Wright, Simu Liu, Danny Ramirez leh Winston Duke-te an in lan leh dawn tih a chiang ta. Anni bakah Iron Man role aṭanga a chawlh hnuah, Robert Downey jr chu Dr. Doom angin a in lan dawn.

'Fantastic Four: First Steps' chang tur hian Pedro Pascal (Mr. Fantastic), Vanessa Kirby (The Invisible Woman), Ebon Moss-Bachrach (The Thing) leh Joseph Quinn (The Human Torch) te tarlan an ni. Tom Holland leh Chris Evans-te hming erawh a lang lo.

MCU film thara inlan tur hi 26 chauh tarlan niin, eng emaw zat tarlan tur a la awm niin Marvel chuan an sawi. 'Avengers: Doomsday' hi May 1, 2026-ah ti chhuakin, 'Avengers: Secret Wars' chu May 7, 2027 hian tih chhuah hman tum a ni bawk.