Hrithik Roshan-a'n 'Krrish 4' direct dawn

Bollywood superhero film, India pumpui deng chhuaktu Krrish movie thar ber siam tur chu a changtupa Hrithik Roshan-a'n a direct dawn. Hrithik hian Krrish 4 hi a directorial debut tur a ni a, Krrish film chhuak tawh dang pathumah khan Krrish angin a in lan a ni.

Movie tharah hian India studio lian Yash Raj Film chuan creator Rakesh Roshan thawhpuiin an produce dawn bawk. Rakesh Roshan chuan," Krrish 4 siam turah hian a vawn fung chu ka fapa Hrithik Rosan hnenah hian ka hlan chhawng a ni. Tha a lo thawh ve tawhna a nih bawk avangin amah pawhin alo suangtuah ṭhin a ni" a ti. Rakesh chuan," Film en tlak takah an chhuah ngei pawh ka ring" tiin hma la turte a rin tawk thu a sawi.

Krrish 4 hi kumthar 2026 kumtir aṭanga bul ṭan theih tum a nih thu an sawi laiin, tih chhuah a nih theih hun tur erawh an tarlang lo thung. Krrish franchise an tih chhuah hnuhnung ber, 'Krrish 3' kha 2013 daih tawha tih chhuah a ni.