Billie Eilish leh Finneas te'n Sandbox Management zawm

American singer-songwriter, Billie Eilish leh a nuṭa, a thawhpui ni bawk Finneas te chuan kum sawm chhunga an manager, Danny Rukasin leh Brandon Goodman Best Friends Music Management chhuahsanin, Jason Owen Sandbox Entertainment an zawm.

He management hnuaiah hian Kacey Musgraves leh Kelsea Ballerini te an awm bawk. Universal Music Nashville-a executive role a chelh hnuah Owen hian Sandbox Entertainment hi kum 2010 khan a din a; television, film leh Broadway-ah a huang a zuah a ni.

Eilish hi kum 2015 khan a single “Ocean Eyes”, a nuṭa Finneas hla phuah hmangin khawvel mite hriat a hlawh ṭan a, kum 2019 khan a album hmasa ber, 'When We All Fall Asleep, Where Do We Go?' ti chhuakin kum 2020 khan Grammy-ah best new artist, album of the year, record of the year leh song of the year a dawng.