Box Office thununtu 'A Working Man'

North American Box office chart thar berah, kar hmasaa hmahruaitu 'Snow White' live action adaptation khumin 'A Working Man' a chungnung ber. 'A Working Man' hi David Ayer direct leh Sylvester Stallone(Rambo) nena script an ziah niin Chuck Dixon-a novel 'Levon Trade behchhana siam a ni. Amazon MGM present niin action thriller lam hawi a ni bawk. Kar hmasa March 28 khan theater hrang hrangah pek chhuah a ni.

'A Working Man' ah hian lemchan khawvela action movie lama thawm nei lian, a lem chan hrang hranga pa taka in lan ṭhin Jason Statham a chang. Tih chhuah a nih kar hian theater 3,262-ah pek chhuah niin CinemaScore-ah 'B' hmu in USD mtd 20 a hmu chhuak nghal.

Pahnihnaah hian kar hmasa lama pakhatna hauhtu 'Snow White' live action version chu USD mtd 14.2 la lut in a awm. Pathumnaah hian 'The Chosen: The Last Supper(part One)' chu USD mtd 11.5 lalut in a awm, theater 2,234 aṭanga pek chhuah a ni tawh bawk. Universal leh Blumhouse-te kut chhuak horror movie 'The Women in the Yard' chu USD mtd 9.5 la lutin palinaah a awm a, A24 horror comedy 'Death of unicorn' chu USD mtd 5.6 la lut in Top 5 a khar.

Chart tharah hian 'Pricess Mononoke', 'Captain America: Brave New World', 'Black Bag', 'Mickey 17', 'Novocaine'-te an rawn lang bawk a ni.

North American Box Office Top 10:
1. A Working Man - USD mtd 20
2. Snow White - USD mtd 14.2
3. The Chosen: The Last Supper(Part-1) - USD mtd 11.5
4. Women in the Yard - USD mtd 9.5
5. Death of Unicorn - USD mtd 5.6
6. Princess Mononoke - USD mtd 4
7. Captain America: Brave New World - USD mtd 2.9
8. Black Bag - USD mtd 2.1
9. Mickey 17 - USD mtd 1.9
10. Novocaine - USD mtd 1.4