'Hyper Knife’in Disney+ ah thawm nei lian

Korean drama, medical thriller “Hyper Knife” chu kum 2025-a khawvel puma Disney+ a Korean premiere en tam ber a nih thu Thawhlehni khan streamer chuan a tarlang.

March 19 khan episode hnih tihchhuah a ni a, tlangzarh aṭanga kar hnih pawh a liam hmain he mellung pawimawh tak hi thleng tawhin, he ranking hi ni sarih chhunga streaming data aṭanga siam a ni.

Park Eunbin leh Sul Kyunggu te channa hi Asia-Pacific bial leh khawvel pumah entu an tam hle. “Hyper Knife” hi neurosurgeon thiam tak, Jeong Seok (Park) chungchang niin, thiamna danglam tak nei a ni a, a mentor-in a phatsan hnuah a medical license pawh hlihsak a ni.

A thiamna chu tih thlawn a duh loh vangin dan phal lohin society pawna mite a zai chhunzawm ta zel a ni. Park hi a hmain “Extraordinary Attorney Woo” leh “The King’s Affection”ah te a chan ṭhat avangin fak a hlawh hle. He drama siamtu zingah hian writer Kim Sunhee (“Quiz From God: Reboot”) leh director Kim Junghyun te an tel.