'Top Gun' leh Batman star Val Kilmer a thi

Hollywood actor lar, 'Top Gun' leh 'Batman Forever' star, Val Kilmer chu April 1, Thawhlehni zan khan Los Angeles-ah kum 65 mi niin a thi. Kilmer hi 'The Doors' ah Jim Morrison lemah a chang tawh bawk a ni.

Val Kilmer hi pneumonia vanga thi a ni tih a fanu Mercedes Kilmer chua a sawi. kum 2014 khan hrawk cancer neiin enkawl dam a ni a, tracheotomy pahnih a vuah a ngaih phah a ni. Kum 1984-ah 'Top Secret' film hmangin lemchan a luh chilh a, hit tam tak neiin heng zingah hian 'Real Genius', 'Willow', 'Heat' leh 'The Saint' a tel. A hrawk cancer hnu hian kum 2021 khan Top Gun : Maverick ah a chang leh a, hemi kum vek hian a documentary tih chhuah a ni bawk.