Wet Leg te'n album tlangzarh dawn

British indie rock band, Wet Leg chuan kum thum hnuah album thar, 'Moisturizer' an ti chhuak dawn tih Thawhlehni khan an puang a, July 11 hian tlangzarh a ni ang. 'Moisturizer' hi kum 2022-a an album hmasa ber 'Wet Leg' an tihchhuah aṭanga kum thum a liam hnuah an ti chhuak dawn a, he album leh lead single “Chaise Longue” chu mi tam takin an fak hle.

Wet Leg hian kum 2023 khan Grammy Award-ah best alternative music album leh best alternative music performance dawngin, best new artist atan nominate an ni bawk. Album tih chhuah tur puan a nih takah chuan Wet Leg hian tour an nei dawn a, kumin nipui chhung hian Europe hmun hrang hrang-ah concert leh festival-ah an zai dawn a ni. Thawhṭanni zan khan Brooklyn-ah show an nei a, April 8-ah Los Angeles-ah show dang an nei leh ang.