South Park season tharah Diddy

Comedy Central series, South Park animation season 27-ah tunlai Rapper thawm nei lian leh thubuai ngah tak Sean 'Diddy' Comb chungchang tarlan tel a ni. Season thar trailer tih chhuah a nih hmaa South Park season chhuak hnuhnung ber chu kum hnih liam taah khan niin, 2024 inthlan lai pawh khan tih chhuah hi a khaihlak zeuh zeuh tawh a ni.

Season tharah hian Canada a indona nasa tak chhuak lai te, Los Angeles ramkang ni awm tak tak te rawn langin hemi hnu hian, South Park main character-te Diddy hian a rawn um darh lai ni awm tak a rawn lang zuai bawk. Heng thilte vang hian 'South Park' thar tur hian ngaihven a hlawh hle.

'South Park' executive producer Trey Parker leh Matt Stone chuan hun rei tak chhung aṭanga an lo buaipui tawh thu leh hmalam huna Kendrick Lamar nena thawh hona tur an buaipui mek thu an tarlang bawk. Kendrick Lamar nena an thawh hona hi Paramount kal tlangin nakkum 2026 chhunga tih chhuah hman tum a nih thu an sawi.