UK chart No.1 'Future Nostalgia'
Dua Lipa album thar 'Future Nostalgia' chu British Albums Chart-ah No.1 a ni a, hei hi Dua Lipa-in UK chart-a No.1 a nih vawi khatna a ni.
Kum 2017-a a studio album hmasa zawk a tlangzarh khan pakhatna dinhmun hi a luah ṭep a, pathumna a inhlangkai hman a, pakhatna erawh a ni thei ta lo. Tunah erawh a beisei aia hmain 'Future Nostalgia' album hi a tlangzarh a ngai a, dinhmun ṭha ber erawh a thlenpui thung.
Dua pawh hi a lawm ve hle a, OfficialCharts.com kaltlangin," Ka ram ngeia Number 1 ka ni thei hi ka duhthusam a thleng dik a ni!! Ka lawm takzet a, a bikin tun ang hun harsaa min duhsakna leh min thlawpna avang hian ka lawm a ni. In zavaia chunga engkimah ka lawm a ni," tiin a fan-te hnenah lawmthu a sawi.
Amah hnaih bertu chu Lewis Capaldi album 'Divinely Uninspired to a Hellish Extent' a ni a, chart sale 7,000-in an inthlau a ni.
The Weeknd 'After Hours' chu pathumna niin, Harry Styles 'Fine Line' chu palina a ni a, Billie Eilish chuan 'When We All Fall Asleep, Where Do We Go?' hmangin top 5 a khar.