Elton John leh Brandi Carlile te'n album tlangzarh

British singer-songwriter leh pianist ni bawk Elton John leh American singer-songwriter Brandi Carlile te chuan an thawhdunna album 'Who Believes in Angels' an tichhuak. Track 10 awmna album hi Andrew Watt produce niin, John-a'n hun rei tak a lo thawhpui tawh Bernie Taupin-a’n lyrics ah a thawhpui a, hla pariat an siam dun a ni. John leh Brandi te hian February thla khan “Who Believes in Angels?” tih hla music video an lo tichhuak tawh bawk.

An pahnih hian Pathianni, April 6-ah, An Evening with Elton John and Brandi Carlile nei turin an inbuatsaih mek a ni. Fulwell Entertainment siam concert special-ah hian live performance, an pahnih inṭhianṭhatna chanchin leh album thlirletna te a awm bawk ang. John leh Carlile te hian John-a discography aṭanga an hla hrang hrang leh classic ṭhenkhat an perform dawn bawk a, Carlile hian track tihchhuah loh pawh a sa dawn a ni.