Priyanka Chopra-in zirlai naupangte ṭanpui dawn
Bollywood actress Priyanka Chopra chuan Covid-19 hri leng karah Los Angeles-a zirlai naupangte chu ṭanpui a tum thu a instagram-ah a sawi.
Priyanka chuan zirna a ngaihpawimawh em avangin, sumdawnna kawnga a thawhpui JBLaudio company nen ṭangkawpin Los Angeles-a naupang zirlaite chu, internet kaltlanga online class an lakna kawnga headphone ṭha tak an hman tur chu a thlawnin sem a tum a ni.
Zirlaite chuan uluk taka internet kaltlanga online class lak lai an ngaihthlak theih nan he headphone hi a ṭangkai dawn tih Priyanka chuan a sawi bawk. Priyanka hi a pasal Nick Jonas nen tunah hian US-a an inah an khawsa mek a ni. A ni bakah hian Shah Rukh Khan, Lady Gaga leh milar dang ṭha hnem takte chu Covid-19 hri beihna kawngah hian ke an pen chhuak tawh bawk.