Ana de Armas 'The Seven Husbands of Evelyn Hugo' a chang turin a inhawng

Cuban-Spanish actress Ana de Armas chuan Entertainment Tonight-in an kawmnaah a fan-te'n Evelyn Hugo-a chang tura an duh thu sawiin, amah pawh a inhawn thu a sawi. Evelyn Hugo role-a chang tur hian action film aṭanga chawlh hahdam a duh leh duh loh zawhna chu acting leh career-a a duh ber pakhat chu engkim tih theih a nih thu a sawi.

Netflix chuan kum 2022 khan Evelyn Hugo chu feature film-ah siam a ni dawn tih a puang a, Liz Tigelaar-i'n he movie hi a ziak dawn a ni. Producer zingah 3Dot Productions changtu Liza Chasin leh Circle of Confusion changtu Brad Mendelsohn te an tel a, Reid leh Margaret Chernin te chu executive produce an ni ang. He film-a changtu tur hi vantlang hriatah puan la ni lo mah se, fans-te chuan Hollywood star ṭhenkhat, Jessica Chastain, de Armas leh Eiza González te changtu tur atan an duh a ni.