Favorite New Music-ah ENHYPEN 'Loose'

Billboard-a music fan-ten kar liam ta chhunga music tih chhuah thar zinga an duh berah ENHYPEN English single, 'Loose' an thlang.

'Loose' hi vote thlaktu zingah 91% dawnin hla chhuak thar zinga an duh berah an thlang a, Miley Cyrus 'End of the World', Elton John & Brandi Carlile 'Who Believes in Angels?', Ed Sheeran 'Azizam' leh Jjo 'The Crux' te a khum a ni. Kar liam ta Zirtawpnia tih chhuah, 'Loose' hi kumina ENHYPEN hla tih chhuah hmasa ber a ni. Nikum November thla khan 'Romance: Untold – Daydream' an lo ti chhuak tawh bawk. US lamah boruak an nei lian chho leh mek a, April 12 leh 19 hian Coachella Valley Music and Arts Festival-ah an perform dawn a, hemi hma April 10 hian Jimmy Kimmel Live! ah an inlan dawn bawk.