61st Baeksang Arts Award nominee puang

South Korea ram chhunga film, ATV, leh Theater lama che ṭha te puala award siam, Baeksang Arts Award vawi 61-na kumin May 5-a neih a ni dawn a, award dawng thei tur nominee-te chu nimin Thawhṭanni khan puan a ni. He award hi kum 1965-a Chang Key-young, Hankook Ilbo chanchinbu neituin a bul ṭan a ni.

Baeksang Arts Award nominee-te hi ṭhuang hnihah ṭhen niin TV/Drama category leh Film category ah te ṭhen a ni. Award hian ngaihhlut a hlawh hle a, Korean 'Oscar' tih hial a sawi ṭhin a nih bakah 'Paeksang Arts Awards' tia sawi ṭhin a ni bawk. Kumin ah hian TV/Drama category hi 14 ah ṭhen niin Film category hi 12-ah ṭhen a ni. Kum 2021 thleng khan Ilgan Sports in a huaihawt ṭhin a,kum 2022 aṭangin JoongAng Group-in a buaipui tawh thung. Award semna hi JTBC-ah live a pek chhuah a ni ang.