Lalhlumawii album hmasa ber

Mizo Idol 2013-a pa≠hnihna, Lalhlumawii chuan a album hmasa ber 'Lei leh van siamtu' chu a tichhuak ta. Album hi Tourist Lodge, Chaltlangah Dr. R. Lalthang≠liana'n a tlangzarh.

Biteii album hmasa ber, 'Lei leh van siamtu' tlangzarh inkhawm hi C. Dinthanga'n a kaihruai a, K. Lalremruata'n a thlirlawk a, Dr. R. Lalthang≠liana'n a tlangzarh ta a ni. He album-ah hian hla 14 a awm a, a album hming put chhan hla, 'Lei leh van siamtu' tih hla hi a hmain single-in a lo tichhuak tawh a, Ṭhazual chart-ah pawh pakhatna a luah tawh nghe nghe a nih kha.

Album-a hla pariatte hi music video-a dah a ni a, audio-in hla paruk a awm bawk. Hlate hi Lalrammuani, Kima Chhangte, Zothansiami, PC Ropianga, Lalrindika (Mama), John-a, Parpuii Chawng≠thu, LB Lianzama, Than≠khumi, H. Lalremruati leh KC Lalruatdika phuahte bakah, Kristian Hla Bua mi, 165-na 'Thisen thiltihtheihna' leh 136-na 'Aw hmangaihna sawi thiam ila' tihte a dah bawk. Album-a hlate hi Foster Recording leh Hauhnar Recor≠ding-a a record te a ni.

Lalhlumawii hian, "Ka album hmasa ber tur 'Lei leh van siamtu' chu ka lo zo ve ta der mai a, midangte ngaihtuah chuan ka insit khawp a, mahse Pathian ṭanpuina ka zo thei hi ka lawm hle a ni," a ti. "Ka zai min puitu Nghaktea leh U Davida te chungah ka lawm em em a, chu bakah Aizawla ka innghahna, ka pu Rualthankhuma Chhak≠chhuak chungah ka lawm bawk," tia lawmthu sawiin, Fosters Records leh Hauhnar Records te chungah a lawm a, Mizo mipuite chu a album-a hlate lo copy chhawng mai lo a, a original leisak turin a ngÍn bawk.

A album chu tlangzarh ta mahse a duh ai chuan an tlangzarh tlai hret a, harsatna hrang hrang a tawh avangin a duh ang hun, tun aia hma deuhah an tlangzarh thei lo a ni. "He album ka buatsaih lai hian keima tawkah ka buai ve em em a, duh angin ka tum hunah ka release thei lo. Mahse Pathianin min awmpui a, a hun a tihah kan release thei ta a ni," a ti.