Rachel Lalnunkimi Ṭhazualah pawh a ṭhazual ber

Mizo Idol 2-15 aṭanga Zoram khawvelin kan hriatin, Rachel Lalnunkimi chu Hontrade International Ṭhazual Lengzem 10 zingah a ṭha ber a rawn ni ta.

Thangromawia'n pakhatna a la luah rih mai anga kan tih laiin Rachel Lalnunkimi a ropui tlat. Pakhatna pawh lo luah fo tawh, lengzem mipa lama kan neih ṭhatte zinga mi chu rawn vawrh thlain, pakhatna dinhmun a rawn luah.

Mizo Idol-a top 4, Rachel-i hian nikum Krismas dawn khan, David Vanlalpeka leh Feli Thangluah te nen thiam nalh em em maiin 'Tu hrai chawi nge' tih hla an rawn tichhuak a, Idol hnua kan hmuhna hmasa ber a ni. Kum a thar a, a single video a rawn tichhuak ve leh ta a, a hla hi 'Ka phur zo lo' tih hla a ni. He hla hi July thlaa a tihchhuah kha a ni a, Mizo band hlawhtling hmasa, Zodi-a an guitarist, T. Zorampela phuah a ni.

'Ka phur zo lo' tih hla hi Tea Boitlung chuan a produce a, Blue Wave Recordings-ah music hi siam a ni a, an record nghal a, video hi Tea Chhakchhuak kutchhuak a ni. August 8 aṭang khan Ṭhazual chart-ah kan hmu ṭan a, pariatnaah bul a rawn ṭan a, panganaah chhoin, palinaah hma a sawn chho leh. Pathumnaah kai chho lehin, pathumna aṭangin pakhatnaah a rawn chuang chhuak ta a ni.

Thangromawia chu pakhatna aṭangin pahnihnaah a chhuk a, palina aṭangin F. Zomuanpuia chu pathumnaah a rawn chho a, DJ Lalvenhimi chu palinaah a chhuk. Top 10 aṭang hian Feli Fanai hla 'Ti ve mai la' tih chu a chhuak a, a hmun ruakah Tetea 'Lenghermawi' tih hla a rawn lang ve thung.

Hontrade International

Ṭhazual Lengzem

1 Rachel Lalnunkimi

- Ka phur zo lo

2 Thangromawia

- Chhing mitin

3 F Zomuanpuia

- Min hnem la

4 Dj Lalvenhimi

- Ṭhian rinawm

5 Josephine Lalawmpuii

- I lo ni reng si

6 Sangkimi Khiangte

- Lunglam ka vai

7 C Sanga

- Kan ram tan i thawk ang u

8 Tharpuia

- Ka hmangaih reng ang che

9 Ruatpuii Rokhum ft Project Fishtail

- Lenglai a rual lo

10 Tetea

- Lenghermawi