Kim K-in buaina tawk

Pathianni zan khan Kanye West chuan New York-ah show a nei a, show a neih laklawh lai hi chhungkaw thil avangin a titawp. Hemi hnu lawk hian a nupui Kim Kardashian chu Paris-a a thlenna hotel-ah mi pahnihin silaiin an tin tih thu a thang nghal a, hei vang hian Kanye hian a show hi a titawp nia ngaih a ni.

Kim K-i thupuangtuin CNN a hrilh danin, Kim K hi Paris, France-a a thlenna hotel-ah Pathianni tlai lam khan police officer anga inthuam, mi pahnih hmaituamin silaiin an tin. Silaia tin chung chian an rawk ta nge tih erawh engmah sawi zui a awm lo a, Kim K hian hliam a tuar lo tih erawh tarlan a ni. Kim K hi Paris Fashion Week hmangin Paris-ah hian a awm a ni.