Mission: Impossible 8 Trailer ti chhuak

American actor leh producer Tom Cruise channa “Mission: Impossible - The Final Reckoning” trailer chu tih chhuah a ni ta. He film hi May 23 hian theatre-ah a tihchhuah a ni ang.

‘Mission: Impossible 8’ hi IMF agent Ethan Hunt anga Cruise kan hmuh hnuhnun ber na a ni tawh dawn nia sawi a ni. Kum 2023-a chhuak, “Mission: Impossible - Dead Reckoning' tawp lamah chuan Ethan hian AI program chak tak The Entity tih chu khawvel tichhe thei tur laka venhim a tumna leh a chet fuh lohna lam lantir a ni. Cruise bakah Simon Pegg, Ving Rhames, Vanessa Kirby, Hayley Atwell, Esai Morales, Greg Tarzan Davis leh Assassin Paris changtu Pom Klementieff te an chang bawk. “Mission: Impossible” franchise-a rawn lut tharte chu “Ted Lasso” star Hannah Waddingham, Nick Offerman, Lucy Tulugarjuk, Katy O’Brian, Tramell Tillman leh Stephen Oyoung te an ni.