Arista Records President David Massey-a'n chawlh a tum

David Massey chuan June thla tawp hian Arista Records president a nihna a chawlhsan dawn tih label chuan Thawhṭanni khan an puang. Massey hian kum sarih kalta chhung khan Sony Music Group chairman Rob Stringer hnuaiah president leh CEO hna thawkin company hi a din thar leh a ni.

Massey hian he label, kum 1974-a Clive Davis-a din hi kum 2018-a siamṭhat lehna kawngah a kaihruai a; JP Saxe, Lola Brooke, Paul Russell, Måneskin leh Damiano David te bakah Jonah Kagen, Bunt., Audrey Nuna leh Sunday (1994) leh artist hrang hrang a pui bawk. London-ah kum 1980 chho khan Wang Chung group-ah artist manager hna a thawk ṭan a, kum 1991 khan Epic-ah A&R-ah in sawnin company-a kum 16 a awm chhung hian Oasis bakah Jonas Brothers-a pre-superstardom iteration a sign bawk. Massey hian amah ngeiin independent record company, Big World Records a kaihruai bawk. Kum 2007 khan Universal zawmin, Avicii leh Iggy Azalea te a lalut. Hemi kum vek chuan Massey chu Mercury Records president a ni a, Duffy, Portishead, Taio Cruz, Neon Trees leh midangte nen thawkhoin, kum 2013 khan Island president atan ruat a ni.

A thawhpui Rob Stringer chuan thuchhuah siamin, Arista din thar lehnaa David nen an thawkdun thei chu thil lawmawm tak a nih thu leh, khawvel pumah company tana senior executive pawimawh leh zah hlawh tak a ni a, a pension hnuah hlimna zawng zawng nei tura a duh thu leh a bulṭhut aṭanga a hna lo thawhte chu a ṭhang zel dawn a ni tiin a sawi.