Anushka Sharma-in health worker-te thlavang hauh
Bollywood actress Anushka Sharma chuan nimin khan ram chhunga Covid-19 hri kai leh health worker-te thlavang a hauhna a twitter-ah a ziak.
Anushka hian ram chhunga hri kai enkawltu health worker-te chuan enhran leh thliarhran an tawh thu sawiin, anni bakah hri kaite pawn enhran an hlawh thu social media aṭanga a hriat thu a sawi. "Kan ramin harsatna a tawh lai hian in enhrang mai loin, kan inngaihtuah tawn ṭheuh tur a ni. Kan hnam puite chungah zahna kan lan tir tur a ni a, tun hun hi kan ṭan tlan hun tur tak chu a ni bawk," tiin a sawi.
A pasal, India national cricket team Captain Virat Kohli nen hian hri beihna kawngah pawh hma an lo la tawh a, an nupa hian PM-CARES-ah leh Maharashtra CM Fund for COVID 19-ahte pawisa an chhung lut tawh a ni.