Dolly Parton Zaithiam dangte tih theih miah loh a ti thei!

Zaithiam narante tih theih loh, zaithiam naran lote pawhina an tih theih loh Dolly Parton chuan a ti thei a, a thleng thei. Dolly Parton hlawhtlinna thar chang tur chuan kum tam tak dam a ngai a, kum tam tak chhung chuai loa hlawhtlin a ngai.

Dolly Parton hi kum 60 chhung kum sawm bi zelah (every decade) chart-a top 20-a lang thei chin hla nei ziah awm chhun a ni. Kum 1960 chhoah a nei a, 1970 chhoah a nei leh a, chutiang zelin, kum 2010 kan han thleng chho a, top 20-a lang phak hla a la nei thei cheu zel. Hei hian music khawvela Dolly Parton hlawhtlinzia a tarlang chiang hle.

Tunhnai khan Dolly Parton hla, 'Forever Country' chu Billboard Hot Country Song chart-ah pakhatna a ni a, heti hian zaithiam dangte thlen phak loh a thleng ta a ni. 'Forever Country' hla hi Dolly Parton hla hlui pathum medley a ni. Hei bakah hian Pentatonix ten a hla hit ṭhin 'Jolene' chu an rawn tuaithar a, a hlawhtling em em hle. He hla hi kum 1974 khan Dolly Parton hian hot country song chart-ah pakhatna a lo nihpui tawh a ni.