Motorola phone thar an tichhuak

Motorola chuan kumin June thlaa Lenovo Tech World-a an phochhuah, an phone thar pahnih - Motor Z leh Moto Z Play te chu India-ah an tichhuak ve ta. Moto Z hian Android Marshmallow a hmang a, a hmai hi inchi 5.5-a hla a ni a, a display a ṭha khawp mai, quad HD 1440 x 2560 resolution a ni. A RAM hi 4GB a ni a, a thluakah Qualcomm Snapdragon 820 a hmang. Camera pawh an thuam ṭha khawp a, a hma lam camera hi 5MP a ni a, a hnung lam camera hi 13 MP a ni. 32 GB leh 64GB storage chi a awm a, 2terrabyte-a lian microSD a hmang thei bawk.