Mi larte Easter lawm dan a inang lo
Isua Krista thihna hneha a thawh lehna ni, Easter Sunday-ah khan mi lar tam tak chuan an fan-te Easter chibai an buk a, mahse Easter an hmuah dan leh an hmuh dan erawh a inang lo hle.
Miley Cyrus, Justin Bieber, Celine Dion, Travis Scott, Miranda Lambert leh celebrity lar tak tak chuan social media-ah an fan-te Easter chibai bukna an post. Mi lar tam zawk chu Easter hman chhan ni lo, a chheh velah an buai hle niin a lang.
Milar eng emaw zat chuan easter bunny emaw, easter egg lang emawa an thlalakte an post a,ṭhenkhat erawh chuan Isua Krista an tinzawn thung.
Miley Cyrus, Katy Perry, Celine Dion, Madonna, Snoop Dog, Kiss, papa Roach leh midang eng emaw zat chuan easter bunny lema an inthuamnate an post a ni.
Hetihlai hian Justin Bieber, Sebastian Bach, Chance The Rapper, Dolly Parton leh midang eng emaw zat chuan Pathian lam hawiin an fan-te chibai an buk ve bawk.
Dolly Parton chuan a twitter-ah 'He’s Alive!' hla a sakna chu a post a, 'Isu ka lawm e' tiin a zai a titawp a ni.
Pathian hmangaihna hi kan hlawh chhuah a ngai lo:
Bieber Justin Bieber chuan Pathian thu ṭha tak a post ve thung a, thil zawng zawng siamtu Pathian chuan khawvel a hmangaih lutuk a, mihring anga lo changin khawvelah a lo kal a, nang leh kei sual vangin Kraws-ah a thi a ni. Thihna hnehin a tho leh a ni, tia sawiin, chu chu Easter chu a ni a, chanchin ṭha tak a ni bawk, a ti.
"Pathian hmangaihna hi kan hlawh chhuah a ngai lo a, Isua-in ngaihdamna a thlawna min pek hi kan pawm mai tur a ni. A awlsam hle! Pawma lo dawn a ni mai!! hlawhchhuah leh phu vang a ni lo," tia sawiin, ka thih ngai loa Isua a tho leh kha tun Easter-ah hian ka lawm hle a ni. Natna awm tawh lohnaah chuan ka kal ngei dawn tih ka hria, a ti.