Nobel Prize Physics leh Chemistry an puang ta

Khawvel huapa chawimawina ngaih ropui Nobel Prize chu puan chhuah leh ṭan a ni ta a, Nobel Prize in Physics leh Chemistry te chu puan tawh a ni a, mi pathum ve vein an dawng.

Royal Swedish Academy of Sciences chuan Nobel Prize in Physics dawngtute hi puang chhuakin David J. Thoules, University of Wa≠shington, Seattle, WA, USA leh, F. Duncan M. Haldane, Princeton University, NJ, USA leh J. Michael Kosterlitz, Brown University, Providence, RI, USA ten an dawng. Heng mi pathumte hian award-in a ken tel, euro 834,000 chu an insem. Thoules hian a zatve a dawng a, a zatve dang hi thawkdun Haldane leh Kosterlitz ten an insem leh thung.

Kosterlitz leh Haldane te hian kum 1970 chho khan khatihlaia science-in dik nia a ngaih chu a ni lo tiin an rawn hnial a ni. Layer pan takah chuan superconductivity emaw suprafluidity te hi a thleng lo a ni an rawn ti. Thil eng emawa electricity a kala engmah resistance a awm loh emaw, lumna anga a energy a kal ral loh hi superconductor a ni. Suprafluidity chu friction (inn‚wk ral) awm loa thil tuiril a luanna hi a ni. Heng mi pahnihte hian superconductivity chu temperature hniam takah a awm thei a ni an ti. He thu hi kum 1980 chho khan Thoules hian rawn nemnghet lehin, experiment hmangin chiang zawkin a rawn sawifiah a ni.

Chemistry pawh hi mi pathum bawkin an dawng a, a dawngtute chu Jean Pierre Sauvage, James Fraser Stoddart leh Bernard Feringa an ni. An dawnna chhan hi molecular machine leh design aṭangin a ni. Jean-Pierre Sauvage hi French mi a ni a, UniversitÈ Louis Pasteur, Strabourg-a thawk a ni. James Fraser Stoddart hi Scottish chemist thiam a ni a, North Western University, Evanston, IL, US a mi a ni. Bernard Feringa hi Dutch mi niin, University of Groningen, Groningen, the Netherlands-a mi a ni.

Nobel Prize in Physics

David J. Thoules

F. Duncan M. Haldane

J. Michael Kosterlitz

Nobel Prize in chemistry

Jean Pierre Sauvage

James Fraser Stoddart

Bernard Fering