Country music chawi­mawina Shania hnenah

Tun thla hian Shania Twain chu CMT Artist of a Lifetime Award hlan a ni dawn a, he chawimawina hi hmeichhe zaithiam hnenah hlan a la ni ngai lo a, Shania Twain hi hmeichhe zinga he chawimawina dawng hmasa ber a ni dawn a ni.

October thla hian CMT Artist of the Year hlan a ni dawn a, hemi hlan hunah hian Shania Twain pawh hi chawimawina hlan a ni ang. Artist of the Year chawimawina an hlan turte hi Carrie Underwood, Chris Stapleton, Florida George Line, Luke Bryan leh Thomas Rhett te an ni.

Shania Twain hi country music huang chhunga tehnaah chauh ni lo, khawel huap hmeichhe zaithiam zing­ah pawh a turu ber zing­a mi a ni. A studio album pathumna 'Come on over' kha country music album tihchhuah tawhah hralh hnem ber a ni a, chu mai bakah chuan hmeichhe zaithiam ten album an tihchhuah tawh zawng zawngah, album mala hralh hnem ber a ni. US-ah ringawt copy maktaduai 20 chuang an hralh tawh a, Europe-ah copy maktaduai 7 chuang an hralh tawh bawk.