Dune thar berah Pattinson in lan beiseiawm

Twilight film aṭanga khawvel hriat hlawh, lemchan khawvel huanga hnuhma ngah tawh tak, Batman hial pawh lo ni thei tawh Robert Pattinson chu Dune thar ber 'Dune: Messiah' ah misual lalpa anga in lan tura beiseiawm zingah a hming a lang pha.

Dune film siamtu Denis Villeneuve hi lemchan huanga mi ngaihven hlawhte nen hian an thawk ho thei hle. Dune leh Dune: Part Two-ah pawh khan mi lar tak tak Chalamet, Zendaya, Florence Pugh, Austin Butler, Jason Momoa leh Josh Brolin-te lo thawh pui tawhin Pattinson pawh a in lan ve a beiseiawm hle. Sawi thawmte awm mah se Robert Pattinson hnenah hian engmah hriattir a la ni lo thung. 'Dune: Messiah' hi tun nipui aṭanga shooting neih ṭan tum niin, nakkum December thlaa release hman beisei a ni.