LA police-ten Scott Shriner nupui an kap

American rock band Weezer bassist, Scott Shriner nupui Jillian Shriner chu Los Angeles police-ten Thawhlehni khan hit-and-run-a rinhlelh mi pakhat an zawnnaah lamah pistol kenga an hmuh avangin an kap a, tualthah tum thubuai an siam sak.

Thawhlehni chawhnu khan Los Angeles Eagle Rock-a in pakhatah hit-and-run rinhlelh mi pakhat an zawn laiin, police-te chuan Jillian Shriner hi a in bulah pistol kengin an hmu a ni. Vawi tam tak silai chu dah thla turin an ngen a, mahse officer-te chungah a ṭuan ta zawk a, hei vang hian an kap ta tiin LAPD report chuan tarlang. Kah a nih hnuah Jillian Shriner hi inchhungah tlan lutin, a naute enkawltu nen an rawn lang leh a, hemi hnu hian man a ni a, a hliam enkawl turin damdawi-in pan pui a ni. LAPD chuan Jillian Shriner hian hit-and-run-ah hian inrawlhna a nei lo tih an sawi a, tualthah tum thubuai siamsak a ni thung.