ACM Presents: Our Country Perform tur zingah Shania Twain leh Carrie Underwood
April 5-a CBS Television Network-in a pek chhuak tur, 'ACM Presents: Our Country' programme-a perform turte chu tihchian a ni tawh a, Shania Twain, Blake Shelton leh Carrie Underwood-te chu hming langsar zual an ni.
Ruahmanna hmasaah chuan April 5 hian Academy of Country Music (ACM) Awards sem tum a ni a, mah se Covid-19-in khawvelah buaina nasa tak a thlen avangin September 16-ah ACM hi neih turin sawn a ni ta zawk a; chumi avang chuan ACM Presents: Our Country hun hi April Pathianni hmasa berah hian an buatsaih dawn ta thung.
He hunah hian Kelsea Ballerini, Dierks Bentley, Kane Brown and John Legend, Brandi Carlile, Eric Church, Luke Combs, Sheryl Crow, Florida Georgia Line, Lady Antebellum, Miranda Lambert, Little Big Town, Tim McGraw, Old Dominion, Thomas Rhett leh Gwen Stefani-te pawh an perform dawn.
Show tihlu zual turin Luke Bryan, Brad Paisley leh Darius Rucker-te chu March 20-a boral ta, ACM 10 la tawh Kenny Rogers zahna lantirna turin an perform ho dawn bawk.
ACM Presents: Our Country hi darkar hniha rei a ni ang.