MOMOLAND-in Agency thar nei

South Korean girl group MOMOLAND member Hyebin, Jane, Nayun, JooE, Ahin, leh Nancy te chuan tun hnai khan Inyeon Entertainment-ah contract an ziak niin April 10 khan MK Sports chuan an tarlang. Contract hi group promotion chungchang niin, member parukte inzawmkhawmna tur leh stage-a kir leh vek turin ruahmanna siam a ni. He report chhanna atan hian Inyeon Entertainment aiawh chuan, “Tun hnaiah MOMOLAND nen hian an team promotion atan contract kan ziak a ni,” tiin a sawichiang ve bawk.

MOMOLAND hi kum 2016 khan an mini album “Welcome to MOMOLAND” hmangin an debut a, hla hit tak tak “BBoom BBoom,” “BAAM,” “Wonderful Love,” leh “Thumbs Up” te hmangin mite hriat an hlawh chho ta a ni. January 2023 khan MLD Entertainment nen an contract a tawp hnuah official-in an hnathawh chu an ti tawp ta a ni.