Bon Iver te'n album tlangzarh

American indie folk band, Bon Iver chuan kum ruk hnua an album hmasa ber 'SABLE, fABLE' chu Zirtawpni khan Jagjaguwar kaltlangin an ti chhuak. An band hian February thla khan 'SABLE, fABLE' chhuah tur hi an lo puang tawh a, record thar an siam hma hian single “Everything is Peaceful Love,” “If Only I Could Wait” leh Walk Home te an sa chhuak tawh bawk.

Album thar hi Jim-E Stack siam a ni a, artist Danielle Haim, Dijon leh Flock of Dimes te an thawhpui. Album tih chhuah lawm nan Vernon chuan Los Angeles-ah release party a buatsaih dawn a, team pathum awmna basketball tournament neiin, Vernon pawh a tel ve dawn a ni.

'SABLE fABLE' hi 2019-a an album 'I, I' hnua an tih chhuah hmasa ber niin, 'I, I' album hi album of the year leh best alternative music album Grammy nomination a hmu. He album-a lead single “Hey, Ma” chu record of the year atan nominate a ni a, an band hi Charli XCX Brat remix Brat leh It’s Completely Different but Also Still Brat “I Think About it All the Time”-ah pawh an tel a ni.