Crocs-in healthcare worker-te hnenah pheikhawk pe
Crocs company chuan coronavirus vei enkawltu healthcare worker-te hnenah pheikhawk ni khatah 10,000 an pe ṭhin dawn tih an puang.
Crocs CEO Andrew Rees chuan, "Kar liam taah khan healthcare worker-te nen kan inbia a, an chhungte leh an ṭhiante pawh kan be bawk. Chutah chuan kan pheikhawkte hi an ke hahdamna atan leh ina an chhungte bula an haw a awlsam taka an intihfai theihna turin an mamawh tih an sawi.
"Kan pheikhawk pekchhuah hun tur chhung hi sawi theih ni lo mah se kan siam chhuah dan azir leh kan hnena mamawh zat an rawn thlen ang a zir a ni ang," tiin a sawi.
Crocs pheikhawk hi kan hriat ṭheuh angin rubber ang deuh molded polymer resin aṭanga siam annih bakah waterproof a ni a, tihfai pawh a awlsam hle. Heihi healthcare worker-te tan chuan a ṭangkai hle a ni. An pheikhawkte hi damdawi-in ṭhenkhatah phei chuan an deliver dawn nghe nghe a, an theih anga rei pekchhuah an tum a ni.
"Heng hnathawkhtu (healthcare worker)-te hi kan zah hle a, an mamawhna kan tihhlawhtlingsak thei tur pawh hi kan inchhuang hle," tiin Rees chuan a sawi bawk.