'The Batman' production tiam chin awm loin titawp
'The Batman' director Matt Reeves chuan coronavirus darh zel vangin tiam chin awm loin 'The Batman' chan mek pawh chu chawlhsan rin a nih thu a sawi.
Robert Pattinson ''Batman' hi March 14 khan Warner Bros. chuan tihtawp lailawk a nih thu a lo puang tawh a, mahse kar hnih chhung an chawl lailawk phawt dawn niin an sawi. Hetih mek lai hian Director Matt Reeves chuan Nilaini khan tunah rih chuan an tiam chin awm loa an chawlhsan rih a ngai dawn tih sawiin, chhunzawm leh tura boruak a ralmuan hman chuan production chu chhunzawm rih a ni dawn lo tih a sawi a ni.
Kum 53 mi filmmaker chuan film changtute leh crew-te chu tun dinhmunah chuan an him tih a sawi bawk.
'The Batman'-ah hian film star lar tak tak inlan tur an awm nual a, Zoe Kravitz chu Catwoman a ni dawn a, Paul Dano chu Riddler role play tur niin Colin Farrel chu Penguin-ah a chang dawn a ni. Pattinson 'Bruce Wayne' a ni dawn tih puanchhuah a nih khan mi tam tak chuan an sel nasa hle a, chumi vang chuan ngaihven a hlawh letlingin, film production kal lai mekah chuan ngaihven hlawh ber zinga mi a nih phah.
Nakkum June 25-ah tlangzarh hman turin ruahmanna an siam a, mahse film production an chhunzawm theih tak lohah chuan an tihkhawtlai ve leh ngei a rinawm.
Covid-19-in film industry a nghawng nasa a, James Bond: No Time To Die, F9, Wonder Woman 1984 leh Captain Marvel 2 tlangzarh hun turte pawh sawn hlat a ni vek tawh a. 'The Batman' pawh hian tlangzarh hun tur sawn hlan thu an puang leh thuai ngei ang.