2025 Coachella thawh khatna ṭiak

2025 Coachella Valley Music and Arts Festival thawh khatna chu nimin Pathianni khan a ṭiak a, a thawh hnihna hi tun kar tawp lam April18-20 chhungin hman a ni leh ang. He festival hi kum tina hman ṭhin, rimawi leh arts huang hrang hrang festival niin, kum 2012 aṭang khan a huaihawttu lam chuan mipui chhim duh tam zawkin an chhim ve theih nan kar hnih chhung a zawnin kartawpah hman ṭhin a ni.

Kar hmasa kartawpah khan rimawi huanga thawm lian tak tak bakah, hranghlui ṭha tak tak rawn in lanin mipui lam thawm a ṭha in an che tla thlir a nuam hle. Headline hrang hrang ten an danglamnate pholangin mipui lam pawhin an ngai hlu hle tih a hriat.

Milar in lan tam tak zingah Green Day, Charli XCX, Anitta, Clairo, EHYPHEN, Jimmy Eat World, bakah R&B huanga hranghlui tih ve theih tawh tur T-Pain a in lan thei bawk. Festival hawn ni Zirtawpni pawh khan Lady Gaga, Tyla, LISA, leh milar ṭha tak tak in lanin Lady Gaga pawh 'desert Queen' tia hminglem phuahsak a ni hial bawk.

Queen legendary guitarist, Brian May pawh thla sarih liam taa minor stroke a neih hnuah Zirtawpni khan stage-ah Benson Boone-a'n Queen classic 1975 single 'Bohemian Rhapsody' a perform laiin a inlan a, mipui lawm a hlawh hle.