Breakfast Club actor-te inhmukhawm

“The Breakfast Club” member pangate chu kum 40 hnuah Inrinni khan an inhmukhawm leh. Chicago pop culture convention C2E2-ah Molly Ringwald, Emilio Estevez, Judd Nelson, Ally Sheedy leh Anthony Michael Hall te chu panel-ah ṭhukhawmin, fan-te nen John Hughes 1985 classic chungchang an sawi ho. Entertainment journalist Josh Horowitz chuan he inkawmna hi a kaihruai a ni.

He film-a it-girl Claire Standish lem changtu Ringwald chuan an zavaia an inhmukhawm leh thei chu a lawmawm a tih thu a sawi a, he an inhmuhkhawmna lehna hlut chhan pawh sawiin C2E2 chu “The Breakfast Club” shoot-na khua Chicago a nih vang niin a sawi. Hall leh Ringwald te hi kum 1984 khan “Sixteen Candles”-ah an lo chang dun tawh bawk a ni. The Breakfast Club hi kum 1985-a American indie ṭhalai comedy-drama a ni a, John Hughes-a ziah, siam leh direct a ni. Emilio Estevez, Paul Gleason, Anthony Michael Hall, Judd Nelson, Molly Ringwald leh Ally Sheedy te changin, he film hi high school hrang hrang aṭanga tleirawl panga, Inrinnia thuneihna sang tak nei Vice Principal enkawlna hnuaia detention-a awmte chanchin a ni.