BTS Jin rawn kir dawn

Korean boy band, BTS member Jin chu rimawi lama rawn kir turin a inbuatsaih mek tih April 14 khan Newsen chuan a puang a, May thlaah album a tichhuak dawn tih an tarlang.

BIGHIT MUSIC chuan report awm hi chhangin, Jin chuan May thlaa tih chhuah tur album thar a buatsaih mek a, comeback chungchang pawh chipchiar zawka tih chhuah an tum thu an sawi bawk. He album hi kum kal ta November thlaa a solo album hmasa ber “Happy” a tih chhuah aṭanga thla ruk hnua a rawn kir lehna hmasa ber tur a ni. A solo album "Happy" kha Billboard 200 chart-ah No.4-ah a lang pha a ni. Jin hi variety show “Kian’s Bizarre B&B”-ah a chang mek bawk.